Araba, Bizkaia eta Gipuzkoako Gobernuko lehendakari Patxi Lopezek boterera iritsi zenetik egin den lehen Euskararen Aholku Batzordean hartu du parte. Bertan esandakoen arabera, "garai berrietara egokitu behar du euskarak", eta egungo "asimetria" gainditzeko "bultzada aktiboaren politika" erabiliko duela iragarri du, besteren artean. Bestalde, kultura eta hezkuntzaren munduko hainbat norbanako eta eragilek Lopezen politikak salatzeko manifestaziora deitu dute, heldu den ekainaren 26rako, Donostian. Izan ere, Jaurlaritzak hartutako bidea kezkaz ikusten dute manifestaziorako deia egin duten "Euskal Herriak behar duen hizkuntzaren alde" agiria sinatu duten ehundik gora eragileek

Erakunde publikoek euskararen aldeko eleak egiten dituzten bitartean, ikastetxeetako egoera okerrera doala salatu dute "Eskola publikoan diharduten Erakasleak" elkarteko kideek, eta beren kezka agertu dute heldu den eskola sartzeari begira. Hala, azken urtean Akademia Ikuskaritzak gelak irekitzeko irizpideak aldatu ditu, eta haur gehiago sartu behar dituzte geletan. Heldu diren egun eta asteetan ekimenak egingo dituzte, gizarteari egoeraren berri emateko, izan ere,  Frantziako Hezkuntzak ez du onartzen murgiltze eredua eredu publikoan

{mosimage}

Jose Maria Gorroño Gernika-Lumoko alkateak eta Paul Bilbao, Kontseiluko idazkari nagusiak berritu dute hitzarmena. Gorroñok, Paul Bilbaori ongi etorria egiteaz gain, orain dela gutxi arte Kontseiluko Idazkari Nagusi izan den Xabier Mendigureni eskerrak eman dizkio. Bestalde, Donibane Lohizunen 85 izenpetzailek egin dute jada bat Euskaraz Bai dinamikarekin, horien artean, merkatariak, osasun arloko eragileak, banketxeak eta abar

Eusko Jaurlaritzak herri euskaldunaren aurkako hainbat neurri hartu ditu PSE bertara heldu zenetik, eta hainbat alor ezberdinetan eragin du euskararen normalizazioa oztopatzeko asmoarekin. Osakidetzan ahalegin berezia egin du Jaurlaritzak; horren adierazle garbia da Rafael Bengoa sailburuak kargua hartu eta batera lan deialdi publikoetan euskararen balioa murriztearen inguruan esandakoa. Oraingoan baina, Osakidetzako zerbitzuen kalitatea neurtzeko aldagaien artean euskara sartzeari uko egin dio PSE-EEk.

Euskararen Erakunde Publikoak (EEP) eta Eusko Jaurlaritzak asteon eman dituzte ezagutzera euskara "sustatzeko" diru laguntzen esleipenak. Bertan, miliotik gorako aurrekontua egon arren, hainbat proiektu geratu dira babesik gabe, hala nola, egunotan bere orrialde konpurua erdira murriztu behar izan duen Behe Bidasoako Hitzak, Hizkuntza Eskubideen Behatokiak eta Berria hedatzeko proiektuak. Laster erantzun du Kontseiluak, eta Ione Josie Kontseiluko Ipar Euskal Herrirako arduradunak esan duenez, "ez da hizkuntza politika orokor eta homogeneo baten isla ikusten". Areago, irizpide eta oreka falta egotzi dizkio esleipenari

Egunkaria auziari buruzko beste liburu bat argitara eman berri dute asteon. Egunkaria, amets baten egia du izenburu argitalpenak, eta atzo aurkeztu zuten jendaurrean. Unibertsitateko irakasleak dira liburuaren egileak, Txema Ramirez de la Piscina, Ramón Zallo, Teresa Agirreazaldegi eta Pedro Ibarra, eta Joan Mari Torrealdairekin batera egin zuten lanaren aurkezpen gisako agerraldia. Lorea Agirre kazetariak idatzitako Gezurra ari du liburuaren atzetik, Egunkaria auziari buruz argitaratzen den bigarren liburua da honokoa, eta "amesgaiztoa hasi aurreko egiak" jasotzeko borondatearekin jaio da, hots, paraleloki eta hainbat gezur medio epaitua izan den proiektuaren hastapenari buruzko informazio osoa helarazteko asmoarekin.

Euskaraz Bizi Eguna ospatu dute larunbat honetan Bilboko Uribarri auzoan. Horrekin batera, Uribarriko Gau-eskolaren 5. urtemuga ere ospatu dute. Bestalde, ekainaren 12an Imarkoainen dute hitzordu berria euskaltzaleek, X. Elortzibarko Euskararen Egunaren karietara. Hurrengo lerroetan dituzue, hurrenez hurren Uribarriko Euskaraz Bizi Egunaren kronika eta Elortzibarko Euskararen Egunerako gonbitea.

30.000 euskaltzale aipatzen dituzte hainbat eta hainbat albiste iturrik. Trinitarios plazaren itxurari erreparatuta bederen, ez ziren urruti ibiliko. Batera edo bestera, milaka eta milaka izan ziren iragan igandean Iruñeko Trinitarios Euskal Eskola Publiko Berriaren alde batuz Sortzen-Ikasbatuaz elkartearen deialdiari hauspoa eman ziotenak. Festa giroa nabarmentzekoa izan zen bertaratu zen olatu euskaltzalearentzat txiki geratu plazan

JEXUX ARRIZABALAGA. Batzeneko kidea

Berandu baino lehen, Donostiako Zinemaldia eta zinema, oro har, euskalduna izango da. Horren zalantzarik ez izan. Bitartean, hemen gabiltza zerbait txukuna egin nahi eta asmatu ezinik. Edo aurrera egin ezinik.  Zinemaldia garai polita da zinema gustatzen zaionarentzako eta filmak ikusteko aukera duenarentzako. Zinefiloak gozatu egiten du egun horietan. Batek baino gehiagok berariaz egun horietan jai hartzen du. Askok bonoak erosten ditu horrela merkeago delako; dena den, urtean zehar ohiko sarrera baino garestiagoa ez da. Ondo dago Zinemaldia. Gauza polit asko konta genitzake Zinemaldiaren karietara. Baina, nola sentitzen da euskaraz bizi nahi duen herritarra? Bermatua al du honek bere eskubidea? 

Hizkuntza Eskubideen Behatokiak agerraldia egin du gaur Gasteizen. Bertan, Paul Bilbaok Kontseiluko idazkaritza nagusia hartzean Behatokiko zuzendaritzan utzitako hutsunea bete duen Garbiñe Petriati aurkeztu da jendaurrean. Alta, agerraldiaren tarterik handiena Behatokiaren 2009ko txostenaren aurkezpenak hartu du. Esan dutenez, "hizkuntza-politiketan inflexio-puntuaren beharra ondorioztatzen dute 2009ko datuek".