• 27
    AZA

    Oiartzungo EHEk prentsaurrekoa egin zuen eragile euskaltzalearen 30. urteurrenaren karietara. Bertan bildu ziren gaurko zein atzoko EHEko kide oiartzuarrak, eta Euskal Herri osoan euskarak bizi duen egoeraren inguruko irakurketa plazaratzearekin batera, kanpaina berri bat abiarazi dutela iragarri zuten, Osakidetzari dagozkigun eskubideak berma ditzatela eskatuz. Muruetagoiena anbulatorioan euskara  jakitea eskatzen ez duen postu berri bat dagoela betetzeko eta Lartzabalgo anbulatorioaren egoera tamalgarria salatu zituzten, horiei begirako dinamikak iragartzeaz gain

     

  • 23
    AZA
    
    

    Abian da jada, urtero bezala, EHEk deitutako Ezabaketa Astea, eta hasiera eman diogu, Lapurdi, Nafarroa Garaia eta Gipuzkoa lotzen diren puntu fisikoan; hots, Euskal Herria zatikatzen duten hiru administrazioek bat egiten duten muga faltsuan, hots, Endarlatzako zubiaren ingurumarietan. Hala, “Euskararen herrian mugarik ez! Euskaraz bizi, Euskal Herri euskalduna eraiki!” lelopean egin dugu ekimena eta aipatu leloak jasotzen dituzten pankarta erraldoiak bota ditugu zubiaren inguru guztian. Zehatzago, pankarta erraldoia bota dugu Gipuzkoako aldean, pankarta luzea eskegi dugu Bidasoaren bi aldeak batzen dituen zubian, eta bide batez, Nafarroa Garaia eta Gipuzkoako muga administratiboa irudikatzen duten bide seinaleak ezabatu ditugu, “Euskaraz bizi, Euskal herri euskalduna eraiki!” leloekin. 

  • 02
    AZA

    Urtero bezala, EHEk Nazio Batzarra egin zuen urriaren 3an, Etxarri-Aranatzen. Bertan, egoeraren azterketari ekin zitzaion lehenik eta ostean, ikasturte berriari begira EHEk aurrean dituen erronkak zehaztu eta horiei ekiteko beharrezkoa den plangintza adostu zuten eragile euskaltzaleko kideek

     

  • 02
    AZA

    EHEk elkarretaratzea egin zuen Nafar Parlamentuaren aurrean, bertan Vascuencearen Legearen eztabaida ematen ari zen bitartean. Foru Parlamentuan euskarari Nafarroan jarri beharreko mugez eztabaidatu zen, baina legea bera arbuiatu zuen EHEk, euskararen ofizialtasuna Euskal Herri osorako aldarrikatuz


  • 09
    EKA

    Hainbat eta hainbat dira egunotan argitara eman diren euskararen aurkako erasoak. Nabarmentzekoak dira horien artean, batetik, Osakidetza kudeatzen duen Osasun eta Kontsumo saileko buru Rafael Bengoak euskara ezagutzaren balioa berraztertuko duela esan ondoren ezagutzera eman den datua, hots, dagoeneko euskara maila kreditatu behar zuten Osakidetzako langileen herenak ez duela irizpidea bete. Bestetik, Espainiako Auzitegi Gorenak Azpeitiko euskara ordenantza baliogabetu izana dugu, erdararen eta erdaldunen hizkuntza eskubideak urratzen dituelakoan. Eraso larri horien aurrean EHEk oharra kaleratu berri du eta gogor salatu du euskarak pairatzen duen bazterkeria, burujabetzaren bidetik etorriko den erroko aldaketa aldarrikatu eta euskarari lehentasuna ematea galdegiteko.

    {mosimage}

     

     

  • 09
    UZT

    Euskararen Erakunde Publikoa (EPP) izan zen akordioaren bultzatzailea eta horren arabera, hainbat herri-elkargo eta berrogeitik gora herrik, euskararen presentzia eta erabilera sustatzeko hainbat neurri hartzeko konpromisoa hartu dute. Larzabalen sinatu zuten akordioa, pasa zen larunbatean.

    {mosimage}

    Donibane-Garaziko herriko etxea

     

     

  • 09
    ABU

    Aurten ere euskararen ofizialtasuna aldarrikatu du EHEk Baionako festen baitan. San Andres plazatik abiatuta kalejira egin dute hainbat euskaltzalek Baionako karriketan zehar, "Euskara Baionakoa, Euskal Herrikoa! Ofizialtasuna!" lelopean

  • « Aurrekoak 1 2 3 ... 39 40 41
  • Euskal Herrian Euskaraz: euskaltzale@euskalherrianeuskaraz.org / LAPURDI: lapurdi@euskalherrianeuskaraz.org / NAFARROA: nafarroa@euskalherrianeuskaraz.org / (0034) 648 925 894 / ARABA: araba@euskalherrianeuskaraz.org / BIZKAIA: bizkaia@euskalherrianeuskaraz.org / GIPUZKOA: gipuzkoa@euskalherrianeuskaraz.org / komunikazioa@euskalherrianeuskaraz.org / Martin Ugalde Kultur Parkea, 20140, Andoain, Gipuzkoa / (0034) 943 303 977 / Nor gara /RSS